🎭Yr Aelwyd: Pennod newydd i Bort Talbot🎭 

Mae theatr Port Talbot wedi cyhoeddi ei henw newydd - Yr Aelwyd – sy’n nodi dechrau pennod newydd cyffrous i'r lleoliad. Gall preswylwyr ddarganfod y stori y tu ôl i'r enw a chofrestru ar gyfer rhestr e-bostio'r lleoliad er mwyn clywed am unrhyw gyhoeddiadau am ddigwyddiadau, tocynnau a diweddariadau’r lleoliad yn syth.

Cefnogir y prosiect gan ystod o bobl greadigol, sefydliadau a phartneriaid cymunedol lleol, gan adlewyrchu lleoliad sy’n parhau i fod yn falch o'i wreiddiau ym Mhort Talbot.

👉  www.porttalbottheatre.com 

👉 Ymunwch â'r rhestr bostio
🌳Llwyddiant â'r Faner Werdd ar draws Castell-nedd Port Talbot 🌳
Mae pum safle lleol wedi cadw eu gwobrau'r Faner Werdd, sy'n cydnabod ansawdd uchel y parciau a'r mannau gwyrdd â chyfleusterau a safonau amgylcheddol ardderchog. 


🔷Mae Parc Gwledig y Gnoll wedi ennill ei Achrediad Safle Treftadaeth Werdd cyntaf, ac mae Parc Gwledig Margam wedi cadw ei statws treftadaeth. 

🔷Mae Gardd Gymunedol Fairyland wedi ennill ei Gwobr Gymunedol y Faner Werdd gyntaf, a chydnabu prosiectau cymunedol yng Nghwmafan, Pontardawe, Sandfields, Cilybebyll a Thai'r-gwaith. 

Mae'r gwobrau hyn yn dathlu ymrwymiad gwirfoddolwyr, grwpiau cymunedol a staff sy'n helpu i gadw mannau gwyrdd Port Talbot yn ddiogel, yn groesawgar ac yn ffyniannus i bawb. 

I weld yr holl enillwyr, cliciwch yma
📖Aelodaeth Llyfrgelloedd Ddigidol Bellach ar Gael ar draws Castell-nedd Port Talbot📖

Gall defnyddwyr llyfrgelloedd ar draws Castell-nedd Port Talbot bellach gael aelodaeth ddigidol drwy ap Spydus am ddim, sy'n eu galluogi i weld eu cyfrif, adnewyddu llyfrau, pori'r catalog a gofyn am lyfrau newydd. 

Mae'r ap hefyd yn cynnwys cerdyn llyfrgell digidol y gellir ei ychwanegu at Google Wallet neu Apple Wallet, ac mae ar gael yn Gymraeg ac yn Saesneg, ynghyd â fersiwn sy'n cefnogi dyslecsia. Byddwn yn parhau i dderbyn cardiau llyfrgell corfforol mewn pob llyfrgell i'r rheini y mae'n well ganddynt eu defnyddio. 

👉Darganfyddwch ragor am yr ap a sut i ddechrau'r broses ar y wefan yma
🌟Port Talbot a Chwm Afan Wedi Cyrraedd y Rhestr Fer ar gyfer Tref Diwylliant y DU🌟

Mae Port Talbot a Chwm Afan wedi cyrraedd y rhestr fer ar gyfer cystadleuaeth gyntaf Tref Diwylliant y DU, wrth iddo gyrraedd y 15 tref terfynol allan o oddeutu 400 o gynigion a gyflwynwyd ar draws y wlad. 

Mae'r rhestr fer yn sicrhau £60,000 i ddatblygu cynnig llawn ar gyfer teitl 2028, lle gellir cael cyllid o hyd at £3 miliwn. Mae'r cynnig yn bwriadu dathlu treftadaeth ddiwydiannol, talentau creadigol ac ysbryd cymunedol cryf yr ardal wrth helpu i gynyddu proffil diwylliant ar draws Castell-nedd Port Talbot. 

👉 Stori Llawn yma: Port Talbot a Dyffryn Afan ar restr fer cystadleuaeth gyntaf erioed Tref Diwylliant y DU
🏛️Arddangosfa ‘Llifo Drwy Amser: Pobl, Lle a Newid🏛️
Peidiwch â phoeni os gwnaethoch ei cholli yng Nghanolfan Ddinesig Castell-nedd! 

Mae arddangosfa ryngweithiol 'Llifo Drwy Amser: Pobl, Lle a Newid' yn parhau ar ei thaith ar draws ardal Castell-nedd. Darganfyddwch hanes Castell-nedd a Llansawel drwy arddangosfeydd sy'n archwilio sut mae pobl leol, lleoedd a chymunedau wedi newid dros amser.


📍 Rhaeadr Aberdulais - drwy gydol mis Awst
📍 Canolfan Ymwelwyr Parc Gwledig y Gnoll - hyd at ddiwedd mis Medi

👉 Darganfyddwch ragor yma: Arddangosfa Newydd yn Amgueddfa Castell-nedd yn Dod â Hanes Lleol yn Fyw
🤝Cyngor CnPT yn Cyhoeddi Bwrdd Cymdogaeth Newydd Balchder Bro ar gyfer Blaenau Dyffryn Afan 🤝
Bydd Rhaglen Balchder Bro, a ariennir gan Lywodraeth y DU, yn dod â hyd at £20 miliwn o fuddsoddiad dros y ddegawd nesaf i gefnogi adfywio, cryfhau cymunedau a gwella cyfleoedd ar draws Blaenau Dyffryn Afan.

Bydd y Bwrdd Cymdogaeth sydd newydd ei sefydlu'n chwarae rhan ganolog wrth roi ffurf ar ddyfodol yr ardal.

👉 Darllenwch mwy
📢Mynegwch eich Barn ynghylch Teithio Llesol📢

Mynegwch eich barn ynghylch cynigion diweddaredig ar gyfer llwybrau cerdded, olwyno a beicio yng Nghastell-nedd Port Talbot. Siaradwch â'r tîm a rhannwch eich syniadau ynghylch: 

♿ Gwelliannau hygyrchedd
🛡️ Teithiau mwy diogel
🌍Teithio sy'n ystyriol o'r amgylchedd
 
📍 Canolfan Gymunedol Gwauncaegurwen
📅7 Awst 11:00 - 13:00
 📍Cwpan Cydlyniad - Clwb Criced Port Talbot
📅9 Awst 09:30 - 14:30
 
📍Canolfan Ymwelwyr Parc Gwledig y Gnoll
📅15 Awst 09:00 - 11:00
 
Mae eich llais yn bwysig - Darganfyddwch ragor yma
📝 Mae'n syml i gofrestru ar gyfer fyCNPT 📝
Mewn llai na 2 funud bydd gennych gyfrif trigolion wedi'i bersonoli i chi ar gyfer rheoli'r holl wasanaethau rydych yn eu derbyn gan y cyngor. 
 
Cliciwch ar y ddolen isod i ddechrau arni. 
 
📅 Beth sydd ymlaen yn CnPT? 📅
Yn chwilio am bethau i’w gwneud gyda'r plant? Cerddoriaeth fyw? Cyflogaeth neu gyngor ar TG? Rhywle i ymarfer neu ddysgu sgil newydd? 
 
Mae Haf ar Lan Môr Aberafan yn parhau drwy gydol mis Awst, gyda digon i’w fwynhau ar lan y môr. 

Gall teuluoedd edrych ymlaen at weithdai sgiliau syrcas, perfformiadau cerddoriaeth fyw, cwrdd a chyfarch cymeriadau, marchnadoedd, gwersylloedd chwaraeon a sesiynau ffitrwydd awyr agored. 

Mae Ffair Bleser Studt yn parhau i fod ar agor tan 9 Awst, ac mae’r arddangosfa tân gwyllt olaf dros y bae’n digwydd ar 7 Awst.
 
Ewch i’n tudalen ‘Digwyddiadau yn CnPT’ i ddod o hyd i’r holl bethau hyn a mwy!  
 
Gallwch hefyd ychwanegu’ch digwyddiadau eich hun at y rhestr. 
 
 
Dywedwch Wrthym am Ddigwyddiad

📢 Ymunwch â ni a dechreuwch yrfa y byddwch chi’n dwlu arni. 📢
I weld y swyddi gwag diweddaraf ac am ragor o wybodaeth, ewch i
 
Mae gan dimau ar draws SWTRA a Chyngor Castell-nedd Port Talbot swyddi gwag.

Mae rhai o'r swyddi amser llawn a pharhaol yn cynnwys:

🔹Pennaeth Peirianneg a Thrafnidiaeth
🔹Rheolwr Strategol
🔹Uwch Reolwr
🔹Swyddog Gwydnwch y Rhwydwaith
🔹Peirianwyr Arweiniol
🔹Uwch Beiriannydd
🔹Rheolwr Llywodraethu a Sicrwydd
🔹Rheolwr y Strategaeth Drafnidiaeth
🔹Rheolwr Pobl, Cynllunio a Pherfformiad
🔹Rheolwr y Gwasanaethau Corfforaethol

Cysylltwch â ni!
Facebook
YouTube
Instagram
LinkedIn

www.npt.gov.uk/cy/newyddion

Rhannwch y rhifyn hwn o Newyddion CnPT!
Share
Share
Share
Email